Elgoibar dantzan jarri du ‘Beitxu, Beitxu!’ kantuaren lipdub-ak [Barren]

lipdub_plazaJatorrizko testua eta argazkia: barren.eus (cc-by-sa)

 

1.000tik gora elgoibartarrek hartu dute parte Elgoibarko Euskarak 365 Egun taldekoek Elgoibarko kaleetan grabatu duten lipdub-ean. 64 elkarte eta erakunde egon dira ordezkatuta eta bakoitzak bere kolore eta ukitu berezia eman dio grabazioari. Ziur denak daudela emaitza ikusteko irrikan. Hona hemen Beitxu, Beitxu! kantuarekin egindako lipdub-a.


Elgoibarko Euskarak 365 Egun taldea osatzen duten lagunek elgoibartarron euskalduntasuna herriko kale eta plazetan modu parte-hartzaile eta jai-giroan aldarrikatzea nahi izan dute lipdub honekin. Ekimenak izan duen harrera eta arrakasta ikusi ostean, helburua lortu dutela adierazi dute, eta lipdubean era batera edo bestera parte hartu duten elkarte, erakunde eta herritar guztiak zoriondu dituzte, “ekimen honetan erakutsitako jarrera eta prestutasunarengatik”.

One thought on “Elgoibar dantzan jarri du ‘Beitxu, Beitxu!’ kantuaren lipdub-ak [Barren]

Utzi erantzuna

Zure e-posta helbidea ez da argitaratuko. Beharrezko eremuak * markatuta daude